De tsien barchjes en de koekoeksklok

Enno en Elly wenje op in lyts pleatske yn in lyts doarpke yn Fryslân. Enno jout alle moarnen de bargen, de kealtsjes, de hinnen en de kalkoenen fretten, nei’t er earst alles sels efkes preaun hat. Op in dei binne de bargen sa fet wurden fan al dat lekkere fretten, dat syn âlders se nei de slachter bringe wolle. Enno hat der sliepeleaze nachten fan. Mar dan beslute de dûnsers út de koekoeksklok, Marius en Marike, harren te helpen. Mei-inoar, ek de barchjes en de kalkoenen flechtsje se nei Koekonia, dêr’t gjin bisten iten wurde. Mar as se dêr nei in lange reis oankomme, is alles feroare. De kening wurdt finzen nommen en syn twillingbroer fynt benammen bargefleis o sa lekker ...